منتدى طريق الأحرار

إِنَّ اللَّهَ وَمَلائِكَتَهُ يُصَلُّونَ عَلَى النَّبِيِّ يَا أَيُّهَا الَّذِينَ آمَنُوا صَلُّوا عَلَيْهِ وَسَلِّمُوا تَسْلِيماً
منتدى طريق الأحرار

ومن يتوكل على الله يكن حسبه

المواضيع الأخيرة

التبادل الاعلاني

احداث منتدى مجاني

    قصيدة يامحلا الوداع بها المسية**وعلوم المنية***بين الفاطمي

    Admin
    Admin
    Admin

    المساهمات : 18
    تاريخ التسجيل : 16/03/2011

    قصيدة يامحلا الوداع بها المسية**وعلوم المنية***بين الفاطمي Empty قصيدة يامحلا الوداع بها المسية**وعلوم المنية***بين الفاطمي

    مُساهمة من طرف Admin في الإثنين مارس 28, 2011 5:13 am


    رحم الله الشاعر المبدع كاظم منظور الكربلائي
    يامحلا الوداع بها المسية**وعلوم المنية***بين الفاطمي
    يا محلى الوداع بهالمسيه........ وعلوم المنيه ........ بين الفاطمي والفاطميه

    يا محلى الوداع بهالمسيه........ وعلوم المنيه ........ بين الفاطمي والفاطميه

    بين الفاطمي والفاطميه

    طب خيمة الحره حسين واليها .......... ونادى هنا يا زينب

    قعد عدها يودعها ويسليها .............. ونار الحزن تلهب

    يوصيها ويسلم اطفاله بيديها ............. والخدر المرتب

    الله شمصيبه .... محبوب وحبيبه.... من تتحمس بنار الرزية

    يامحلا الوداع بهالمسيه....بين الفاطمي والفاطمية
    ****************
    حس قلب العقيله ودوت بيه النار ..... من جمر المصيبة

    ونادت يبن ابويه ما تقللي شصار ...... قلب إختك بريبه

    جن الفلك طرنه وبالعكس يندار ....... وجن إختك غريبه

    يابن أمي شهدانه .... من دهر الجفانه ... شتتها الشمل بالغاضريه

    يامحلا الوداع بهالمسيه...بين الفاطمي والفاطمية

    ****************

    صد حسين لخته والقلوب تلوب ........ وتغيرت الحاله

    وناداها الشهاده فصلت لي ثوب ...... من نسج الجلاله

    إلج ثوب اليسر من العهد مكتوب ..... ولخدرج حلاله

    خلينه نتشارك.... بهالثوب المبارك.... حله لخدرج وانه مفصل عليّه

    يامحلا الوداع بهالمسيه......بين الفاطمي والفاطميه

    ****************

    نادت يبن ابويه بالعهد راضين ...... والحق لو رضينه

    ولا عزت عليك ارواحنه يحسين ....... وإنت تعز علينه

    تهيء للشهاده وإحنه متهيئين .............. نتنطر سبينه

    إحنا على السعاده .... وإنت على الشهاده .... نيتنه وعسن راشده النيه

    يامحلا الوداع بهالمسيه......بين الفاطمي والفاطميه

    لاكن عقب عينك يا ضوى عيني. .... خدر إختك مماته

    خوفي من الشماته بسهم ترميني .... ولاشوف الشماته

    خليني أرد اموت وياك خليني ...... ولاشوف الشماته

    والشامت إله سهام .... تمضي بقلب لكرام .... أمضى واشد من سهم المنية


    يا محلا الوداع بهالمسيه.... بين الفاطمي والفاطميه

    الك عندي امانة من امك الزهره هاك........ اسمع المضمون

    لخوج ابكربلاء اتحبينه ابصدره او تسجيه..... ماي العيون

    اومن تجدم منيته جدمي مهره واوخل يجبل.... على الكون

    هذي كربله هاي......... جيف البصر والراي….. هاك اخذ الامانه امن الزجيه

    يا محلا الوداع بهالمسيه.... بين الفاطمي والفاطميه

    ****************
    وصلتني الامانه يا عقيلتنا ............اوجني اتسلمتها

    واحقوق الوفه واشروط خوتنه ........بوجودج شفتها

    هذي كربله اوهذي شهادتنه......... تشهد واسمعتها

    تثبتلج إراده.......... اوتشهد لج شهاده......... صبرج نصر دين الله اونبيه

    يا محلا الوداع بهالمسيه.... بين الفاطمي والفاطميه

    ****************
    تدنه حسين لخته او شبكته واتنوح ............والونه ثجيله

    قبل جرح السهم خلت ابقلبه اجروح.......... واتقطع دليله

    يخونه خل ابدل اوياك روح ابروح......... اوصداعلى العقيلة

    ناداها الامر صار……… او لو عمت الاخطار ........... عقب اهلج تلزميلي الثنيه

    يا محلا الوداع بهالمسيه.... بين الفاطمي والفاطميه

    ****************

      الوقت/التاريخ الآن هو الثلاثاء فبراير 25, 2020 8:39 pm